Қарағанды қаласы үшінші рет «Театр-Шығармашылық-Талант» Халықаралық балалар және жасөспірімдер фестиваль-байқауының қатысушыларын қабылдады. К.Станиславский атындағы театр сахнасында 1-2 сәуірде үздік деген балалар мен жастар ұжымдары таңдарлды. Қарағанды қаласының ЮНЕСКО-клубының № 2 өнер мектебінің жас әртістері «Спектакль» және «Көркем сөз» номинациялары бойынша екі Гран-при жеңіп алды.
Фестивальді Думан Әкімнің Шығармашылық орталығы ұйымдастырды. Қарағандылықтардың шығармашылық жобасын Қазақстан Республикасының Тұңғыш Президенті – Елбасы Қоры қолдап, грант бөлді. Байқаудың ерекшелігі — онда кәсіби ұжымдар мен әуесқой студиялар өнер көрсетеді.
Биылғы жылы фестивальға Қазақстан мен Ресейден келген 8 жастан 23 жасқа дейінгі 200-ден астам жас әртістер қатысты. Қарағанды театрының сахнасында облыстың басқа қалаларынан, Нұр-Сұлтан, Ақмола, Павлодар, Солтүстік Қазақстан облыстарынан, сондай-ақ Ресейдің Новосібір мен Кемерово қалаларынан келген ұжымдар өнер көрсетті.
Фестиваль ұйымдастырушысының айтуынша, кейбір қатысушылар бұл шараға үшінші жыл қатарынан сыйлықтар үшін емес, тәжірибе алмасу үшін келеді екен.
Фестиваль аясында «Маленький принц», «Божественная комедия», «Хозяйка медной горы» және т.б. шығармалары бойынша спектакльдер көрсетілді. Байқауға қатысушылар мысал-ертегілер, өлеңдер оқып, әдеби-музыкалық композициялар орындады.
Қойылымдарды кәсіби қазылар алқасы бағалады. Оның құрамына ҚР Мәдениет қайраткері, театр және кино актері Қайрат Кемалов, Қырғызстанның Халық әртісі Сергей Матвеев және Тәттімбет атындағы өнер колледжінің «Режиссура» бөлімінің меңгерушісі Любовь Попова кірді.
Қарағандылықтар «Все мыши любят сыр» (Д. Урбан) спектаклі және «Божественная комедия» әдеби композициясын орындап, жоғары марапатқа ие болды. Сондай-ақ Қарағанды және Жезқазғанның басқа да ұжымдары бірінші және жүлделі орындарға ие болды.
Жеңімпаздар мен жүлдегерлер ақшалай сыйлықтарға ие болды. Сонымен қатар, қазылар алқасы үздік жас әртістерін таңдады. Ұжымдар үздік режиссура, театр костюмдері, спектакльдің музыкалық ресімделуі және т. б. үшін қосымша номинациялармен марапатталды.
Фестиваль аясында жетекші мәдениет қайраткерлерінен шеберлік-сыныптар ұйымдастырылды.
